Über üs

I bi glerti medizinischi Sekretärin, verhürotet, Mueter vo füf Ching und Husfrou. Baschtle, handarbeite und öppis gschtaute hani immer gärn gmacht, das isch aber i de letschte Johr z churz cho. Im Früehlig 2017 hei mir es paar Froue us mim Bekanntekreis säuber gmachti Kreativcharte us gschtämpfletem und gschtanztem Papier zeigt, und i ha denn säuber ou e Charte dörfe gschtaute. Das het mi begeischteret und i ha die Charte minere Tochter zeigt. Zäme hei mir üs de es paar "Schtämpfusache" bsorget und die usprobiert. D Ergäbnis hei mir viu Fröid gmacht und s "Chartefieber" het mi packt. Mit em Gschtaute vo Charte und chline Mitbringsel hani e tolle Usglich zu mim Autag gfunge, und i hoffe, dass d Empfänger vo dene Charte und "Sächeli" genau so Fröid dra hei wie i.

I bi 23gi und lideschaftlechi Coifföse. Nachdäm ig 2013 d Lehr abgschlosse ha, hani mi 2014 kreativ witerbiudet und d Make-up Artist-Schueu gmacht. S Baschtle git mir näbem Schaffe und em Lehrlinge usbiude e guete Usglich ir Freizyt. S schönschte isch, das i das Hobby mit mim Mueti cha teile und mir dür das viu Zyt zäme chöi verbringe.